<%ArchiveInfo%>
ماوهیهكی باشه هیچ نانوسم و هیچ ناڵێم , ماوهیهكی باشه تۆش بێدهنگیت .
نه من به نوسین توانیم دوریت بلاوێنمهوه نه تۆش به بێدهنگی توانیت دهنگ و سهدات له گوێما بسڕیتهوه, نه من بۆم كرا سروشت و وێنهی جوانت لهخهیاڵما بڕهوێنمهوه , نه تۆش پهشیمان بویتهوه لهو ووتهیهت كه بهڵێنمان ههزار ساڵ بوو پێكهوه یهكتر بدوێنین.
نه من توانیم ههستم داڕێژمهوه و بیر له جێیهكی تر بۆ دڵ ئارام بون بكهمهوه نه توانیشم هۆشم پڕپڕنهكهم له دوریی تۆ.
دهزانم كه تۆ وهك گوڵه عهیار و شهرمنه تازه چهكهرهكردوهكان له ژێرهوه به نیگایهكی چاو تێم ئهڕوانیت. به نیگایهكی چاو و ههنگاو به ههنگاو لێم وردهبیتهوه و دهستت به دڵتهوهیه.
بهشوێن ههنگاوهكانما به ئهسپایی و به بێ چرپه ڕێدهكهویت و ناشتهوێت باسی بكهیت و من پێی بزانم. دهتهوێت خۆت وا دهرخهیت لام كه لێم زویری و دهتهوێت پێم بڵێی كاتت نهماوه بۆ گوێ گرتن و خوێندنهوهی وشهكانم, دهتهوێت پێم بڵێی كاتم نهماوه وهك جاران گوێ بۆ ئازار و حیكایهتهكانت بگرم , دهتهوێت به ئیشارهت بێت یان بهسهرڕاوهشاندن پێم بڵێی نهخێر نا لێم تهوهلابوی و چیدی ناتهوێت نه ههواڵ و باسێكم نه وشهیهكم لێ وهرگریت, ناتهوێت نه ههناسهم بلاوێنیتهوه و نه پیاسهیهك بكهیت بهناو دارستانی بێنازا و, گهڵای سیس و زهردههڵگهڕاوی سهرسینهیهكم بۆ بژار ناكهیت.
دهتهوێت و خوازیاری بگهڕێیتهوه لام , دهتهوێیت و خوزیاری بێمهوه بۆ لات. بهڵام دڵت نایهێنێ و ناتهوێت بمخهیته ژێر پرسیار , ناتهوێت بمخهیته ژێر ههڵبژاردن. دهزانیت و لات ڕوونه ههزار ساڵی دی تریشی بچێته سهر هیچ كهس و هیچ جێگایهكم له تۆ زێدهتر خۆش ناوێت و ئهوهندهی تۆ عاشقی نابم.
ئهوهنده بۆنی لا ملی شهیدام ناكات و نامخرۆشێنێ ئهوهنده چاوی گهشی ناملهرزێنێت. نازانم من تۆم به چێهێشت و لێت دابڕام یان تۆ خۆت دورخستهوه لێم.
خۆت دهزانی بهجیا لهو حیكایهت و بهسهرهات و ئهفسانه و فهنتازیانهی كه ههن , من حیكایهتی تایبهتیم ههیه . خۆت دهزانی كه ئێمه ههر له سهرهتایی یهكتر ناسینمانهوه بهڵێنێكمان بهیكتردا, كه كهسمان ئهویدیمان فهرامۆش نهكا, نه زهمهن و نهشوێن و نه سنور و نه دوری كارنهكاته سهرمان. بیتره وتت گهر تۆ له ئایندهدا بویته كهسێكی بهناوبانگ , من خۆمت پێوه فش دهكهمهوه و دهڵێم ئۆی ئهوه خۆ خۆیهتی من دهیناسم ئهوه كوڕی خۆمه.
12:32 - 2.2.2010
-
|
